انواع الشباب في الما سنجر

من طرف **نصراوي2008** السبت مايو 17, 2008 5:17 pm

أنا دورت مخصوص على هذا الموضوع رداً على موضوع الأخ ( ركود ) الله يعطيه العافية

المهم حبيباتي انتبهوا واحفظوهم زين زين ومافيه مانع لو كتبتيهم في ورقة ولزقتيهم على شاشة الكمبيوتر عندك على أساس ما تنسيهم

النوع الأول :
طبعا العمر يتراوح من 22 إلى ما فوق ... وتلاقيه أول ما يدخل هاي ممكن نتعرف أنا فلان ومن المكان الفلاني وتحسي ان فيه حنفيه معلومات انفتحت وأي حاجة تقوليها له يقولك يعني إيه ما فهمت وبعد كل كلمة يقولك أنا لسه جديد في النت
وهذه النوعية تنقسم لقسمين :
1- يا إما متحمس وحط ف راسه موضوع النت ويبغى يتعلم
2- يا إما سمع من أصحابه عن النت والبنات وجاي يجرب حظه معاهم..
-----------------------------------------------------------------------------------
النوع الثاني :
اللي بيقعد على النت بس مو كثير
النوع هذا كل كلامه انا مسؤولياتي كثير وما أحب النت والكلام هذا وبعد ما يكلم شوية يقولك ممكن نكمل كلام في التليفون أنا ما أدخل النت كثير ومالي خلق للكتابة والحاجات هذي
والنوعية هذي تنقسم إلى قسمين:
1- يا إما يكون لحوح ويجلس يطلب نفس الطلب بدون ملل
2- يا إما عنده عزة نفس وما يلح بس راح يعصب ويقولك اعمليلي بلوك ..
-----------------------------------------------------------------------------------
النوع الثالث :
اللي قاعد على النت ليل نهار
هذا شرحه يطول وينقسم لعدة أنواع
1- المقموص
هذا قاعد وحاط ايده على زرار الزعل اي حاجة تقوليها يفهمها إنك بتقصديه أو بتقللي من شأنه وبعد كم مرة كلام ممكن يقولك هاتي رقم تليفونك ولما تعتذري راح يقولك أنا أحترم رغبتك ويركبلك الوجه الخشب ومن وقت للتاني حتاخدي البلوك ف وجهك فنصيحة من أولها أعطي له بلوك وديليت ..

2- أبو دم خفيف
هذا شلل مركز وما تعرفي مين اللي خدعه وقاله ان دمه خفيف وكل كلامه قفشات وضحك والمفروض انك تكوني مجامله وتضحكي بس ما أنصحك تدخلي الماسنجر وإنتي على أعصابك لأنك راح ينفجر ضغطك..

3- المودي
هذا شخصية بتتنوع كل يوم على حسب المزاج وحتحسي انك بتكلمي واحد عنده انفصام ف الشخصية اليوم رزين وعاقل وبكرة لاسع وبعد يومين رخم وبعدها كيوت وفريندلي طبعا الحكاية ما هي ناقصة جنان كفاية اللي الواحد فيه ..

4- اللزقه
والنوع هذا يبغى له حزم في التعامل معاه لأن كل كلامه انتي فين ؟ بتتأخري في الرد ليه؟ انتي بتكلمي حد ؟؟
يا خي وإنت إش دخلك بتحشر نفسك ليه ؟؟ ......ولو قلتيله ثواني حيقولك ليه رايحة فين؟ لا تتأخري ... وينك انتي لسى ما جيتي ؟؟؟

5- الناصح
صباح الصداع مع كل جمله حتقوليها حتاخدي نصيحة وفيه عرض خاص قولي جملتين وخدي أربع نصائح العرض مستمر حتى نفاد الكمية ........ولو مسجل في منتدى حتلاقيه بيقولك ليه حطيتي التوبيك هذا وليه شيلتي الصورة هذي وحطيتي التانية أنا أنصحك انك تخليه يحصل أخواته اللي فاتوا يعني بلوك وديليت ..

6- الحبيب
أنا جذاب وكل البنات بتعجب بي ....... أيام ما كنت في الجامعة كنت عامل أزمة والبنات تتضارب عليا...... المصيبة ان اي جمله حتقوليها حيفهم ان انتي معجبة لأنه مو بمزاجك حتحبيه يعني حتحبيه ..

7- حريقة بنات
هذا لو في منتدى أو ميل جروب تلاقيه مركز على كل البنات وما يسوي اي حاجة ثانية غير هذي الكوميدي لما يتلخبط ويعتقد ان الاسم هذا أنثوي ويندمج وبعدين يطلع واحد صاحبه ...

8- الكذاب
من أول الاسم والسن وأي معلومة حيقولها كذب × كذب وما تعرفي ليه هذا أقولك إنصحيه وخليه يغير اسمه على الماسنجر ويخليه مسيلمة الكذاب ..

9- العبيط
هذا تلاقيه على طول حاط صورته وذنب عليك تتفرجي ويشيل الصورة هذي يحط الثانية وكل شوية يفتح الكاميرا مع نفسه ..

10- بابا أوبح
هذا ممكن يكون على النت من سنة 96 وأتخرج واشتغل واتزوج وجاب عيال ولس قاعد يتعرف على بنات وكل ما يكلم واحدة يقنعها انه مو متزوج ويدور على عروسة وصباح السرحان ولو جربتي كل يوم تدخلي له بإيميل غير الثاني راح تسمعي قصة حياته كل يوم مختلفة ..

-----------------------------------------------------------------------------------
على العموم حبايبي طولت عليكم أتمنى يكون أعجبكم الموضوع وأتمنى ما حد يزعل .......
-----------------------------------------------------------------------------------
تحياتي